Содржина
Св. Францис од Асиси бил особено сложена личност, чие влијание врз општеството од неговото време било огромно. Дури и денес многумина се трогнати од неговата визионерска порака за универзална толеранција. Општеството во Италија во 12 век било мрачно и поделено, а босоногиот монах од Асиси несомнено ја имал храброста што произлегува од длабоката вера и бил способен да се издигне над репресивноста на тоа време. Во овој филм, кој е од италијанско-британска копродукција, режисерот Франко Зефирели се обидува да ја пренесе визијата на овој голем човек на екранот. Современиот (од 1970-те) пример на хипи-движењето во голема мера придонесува за стилот во кој се раскажува приказната. Музиката и користењето италијански мелодии се во аранжман на Донован. Филмот е визуелно прекрасен и тој го минимизира мракот на тоа време. Кога почнува филмот, Францис е син на богати трговци и безгрижно ужива во вино, жени и песни. Кога војната и болеста го уништуваат неговото соседство, Францис минува низ преобразба, која кулминира со неговото појавување пред локалниот бискуп и со замена на неговите алишта како откажување од својот претходен живот и од своето семејство пред да се посвети себеси на Бога Кулминирачкиот драматичен миг е појавата на Францис пред папата Инокентиј III за да го претстави своето барање за независен верски ред со нови правила.