PëRMBLEDHJE
Kingu (Diego Abatantuono), Faina (Christian De Sica), Çiro 3000 (Nino DAngelo) dhe Er Patata (Roberto Brunetti), janë katër paparacë që drejtojnë "Magica Press", një agjenci paparacësh romane që përpiqet të kapë yjet e spektaklit italian në momentet e tyre private. Problemet fillojnë kur atyre të katërve ju shtohet z.Bin (Massimo Boldi), një paparac ngatërrestar milanez, mik i vjetër i Kingut. Ai është detyruar të transferohet në Romë pasi ka rrëzuar statujën e Shën Mërisë nga maja e Duomos, pasi kishte tentuar të fotografonte Valeria Macën. Pas disa dështimeve, të pestë të lodhur duke ndjekur skupet e ndryshme, vendosin të bëjnë goditjen e jetës së tyre. Foton që vlen miliarda. Falë një mikeje të Fainës, e gatshme për gjithçka vetëm që të dalë nëpër gazeta, do të fotografojnë një tradhti të presidentit të Shteteve të Bashkuara në sallën ovale, duke e detyruar të japë dorëheqjen. Tashmë që janë bërë paparacët më të kërkuar, do të fshihen në një konventë duke u hequr si priftërinj, ku do të zbulohen megjithatë nga pesë paparace të maskuara si murgesha.