Vrasje në një qytet të vogël

PëRMBLEDHJE

Anëtarëve të famullisë së tij, pastori Endrju Martin u duket njeri fetar dhe i ndershëm. Për gruan e tij, Debi, ai ishte bashkëshort i dashur dhe baba i dhembshur. Me mirësjelljen dhe gjallërinë e saj, Debin e donin të gjithë ata që e njihnin, deri ditën kur, në mënyrë të pakuptueshme, ajo vrau veten. Miqtë dhe familja e Debit nuk e kuptojnë vdekjen e saj. Ata i mundojnë pyetje të cilave nuk u përgjigjen dot. Në mungesë të autopsisë dhe me refuzimin e policisë për të hetuar, nëna e Debit, Suzan, s’ka zgjidhje tjetër, përveçse të merret vetë me këtë çështje. Vendosmëria e Suzanës për të nxjerrë në dritë të fshehtat e errëta të Endrjut, zbulon një histori tronditëse me gënjeshtra, tradhëti, mizori dhe obsesion seksual, që mund të ketë çuar një grabitqar serial, të fshehur pas fjalëve të Zotit, në vrasje. I frymëzuar nga historia e vërtetë e një nëne në zi, që refuzoi të heqë dorë, derisa kujtimi i vajzës së saj të mund të prehej përjetësisht në paqe.