PëRMBLEDHJE
Ylli i Hollivudit Hauard Spens (Sam Shepard) ka parë ditë më të mira. Sot ai po jeton vetëm prej lavdisë së mëparshme. Pas një nate tjetër shthurjeje, ai ikën nga sheshi i xhirimit të filmit të tij të fundit, përmes prerisë, si një nga heronjtë që ai ka portretizuar aq shpesh. Kërkon strehim tek e ëma (Eva Marie Saint), të cilën nuk e ka parë prej vitesh. Por nuk qëndron shumë as atje pasi merr vesh se diku mund të ketë një djalë që as nuk e dinte. Për Hauardin, kjo është një fije shprese se jeta e tij nuk ishte e kotë. Ndoshta ekziston një vend ku të ndjehet si në shtëpi! Kështu, Hauardi shkon në kërkim të djalit (Gabriel Mann), vetëm për të zbuluar një jetë të tërë në qytetin e vogël që i ka munguar deri më tani, dhe një dashuri (Jessica Lange) që ai mendonte se kishte humbur, madje edhe një vajzë (Sarah Polley), ekzistencën e së cilës nuk e dinte. Sikur të mos ishte ai detektivi këmbëngulës i sigurimit (Tim Roth) që dëshiron ta rikthejë Hauardin në sheshin e xhirimit të filmit...