Калифорникација: CALIFORNIA SON

Содржина

Добитникот на наградата „Златен глобус“, Дејвид Духовни, триумфално се враќа на телевизиската сцена со серијата „Калифорникација“, жестока, сирова и секси комедија за писателот Хенк Муди. Опсесијата на Хенк со искреноста и неговото самоуништувачко однесување со алкохолот, дрогата и жените, истовремено ја уништуваат, но и ја збогатуваат неговата кариера. Неговиот живот постојано е пред распад, но тоа не му пречи многу. На Хенк му е миленичка Бека (Медеин Мартин), неговата ќерка-тинејџерка од врската со поранешната девојка Карен (Наташа Мекелоун). Таа е паметна, можеби и премногу паметна за својот немирен татко, а Хенк се бори да ги спои своите татковски должности со незгаснатата љубов спрема Карен. Хенк истовремено се обидува и да ја обнови својата писателска кариера. Неговиот агент Чарли (Еван Хендлер) очајнички сака Хенк да престане со своето компулсивно однесување и да се концентрира на пишување нов материјал, но животот на Хенк е полн со екстаза и тој не сака тоа да престане. Мажите го сакаат Хенк поради неговата способност кај жените, а жените го сакаат Хенк поради неговиот шарм и убав изглед, а сите ние ја сакаме серијата „Калифорникација“ затоа тоа што е свежа, возбудлива и урнебесна драма за гледање.