Нос за престап

Дејството се одвива во една полициска станица во Манчестер. Хумористичната серија „Нос за престап“ прикажува група полицајци во истурените борбени редови. Лаборатории за дрога, пиромани, неонацисти и убијци се секојдневие за овој тим.
„Нос за престап“ е снимена според сценариото на добитникот на „Бафта“, Пол Абот („Бесрамен“, „Погодок и пропуст“, „Состојба на играта“) и претставува една поинаква полициска серија. Дејството се одвива во една полициска станица во Манчестер и следи една група полицајци во предните борбени редови кои се прашуваат што ли згрешиле па да мора да завршат таму, во овој дел од градот. Лаборатории за дрога, пиромани, неонацисти и злогласни убијци се секојдневие во работата на овој тим, кој го предводи способната но налудничава детективка Вивиен Диринг (Џоана Сканлон). Но, кога се појавува еден особено изопачен сериски убиец, тоа претставува шок дури и за најискусните полицајци.