Преостанати: ORANGE STICKER

Содржина

Оваа едночасовна драма на ХБО од Дејмон Линделоф, коавторот на хит-серијата „Изгубени и според бестселерот од 2011 година на Том Перота (коавтор и извршен продуцент), се фокусира на жителите на еден мал град, чии убедувања се разнишани по светскиот настан наречен „Заминување во кој 2% од светското население биле „земени (т.е. исчезнале), додека другите биле оставени. Во втората сезона, која се одвива по четири години од „Заминувањето и една година по настаните опишани во првата сезона, сега веќе поранешниот шеф на полицијата Кевин Гарви и неговото потесно семејство, ќерката Џил, девојката Нора Дурст (која го изгубила своето цело семејство во „Заминувањето) и бебето Лили (оставено пред нивниот праг на крајот на минатата сезона), се преселиле од Мејплтон, Њујорк и се населиле во Џарден, Тексас, град со прекар Чудо, единствен град во САД каде од речиси 10.000 жители ниту еден нема исчезнато. Со нив се спријателува афроамериканското семејство Марфи, кои живеат до нив, а Кевин се надева дека ќе најде мир во овој град, но на крајот мора да се бори со нови демони (и со духот на Пети Левин) додека еден друг настан сличен на „Заминувањето се случува многу блиску до нивниот дом. Во меѓувреме, назад во Њујорк, отуѓената сопруга на Кевин, Лори, се откажува од „Виновните преостанати, тивките нихилисти кои се облекуваат во бело и постојано пушат, па со помош на нејзиниот син Том (поранешен штитеник на покојниот исцелител, свети Вејн) сака да им помогне на регрутите на „Виновните преостанати.