Отпорен на куршуми

Содржина

Серијата ги следи двајцата полицајци, Бишоп и Пајк, во потера по најжестоките криминалци на Лондонскиот Ист Енд. Бишоп и Пајк на прв поглед имаат многу заеднички работи. Тие се многу лукави, паметни, снаодливи и жестоки, врската помеѓу нив е силна и секогаш се наоѓаат еден на друг. Сепак доаѓаат од потполно различна средина, па со самото тоа се разликуваат и нивните лични мотивации и емотивниот живот надвор од службата. Пајк е семеен човек, син на одликуван полициски службеник, одлучен да тргне по стапките на татко му, но не и да биде во неговата сенка. Бишоп пораснал во домовите за напуштени деца и на улиците, а татко си никогаш не го запознал. И покрај разликите, нив двајцата ги поврзува истиот морален код и се фантастичен тандем, дури и кога нивниот однос е во криза. Шпионката на Бишоп и Пајк им нуди информација за банда која ги краде нај модерните автомобили во Лондон. Заминувајќи од состанокот, автомобил налетува на нејзе и ја убива. Одлучни да биде задоволена правдата, Бишоп и Пајк ја откриваат локацијата на гангстерите, но обидот за апсење пропаѓа. Во потера по криминалците Бишоп отвора оган, но резултатот ќе биде катастрофален.