Мажи во војна

Содржина

Документарецот на „Ејч-Би-О“, во режија на Јасек Блавут, се фокусира на мажите фасцинирани од Втората светска војна. Двајца од нив ја изразуваат својата страст преку компјутерските игри. Режисерот ги прикажува играчите и нивните животи, прашувајќи се дали сме сведоци на појавата на нов вид човек, „хомо виртуалис“. „ИЛ-2 Стурмовик“ е една од најпопуларните компјутерски симулатори на летање. Играчите се ставаат во улога на авионски пилоти од Втората светска војна и учествуваат во воздушни битки во реално време. Некои на својата страст гледаат како на хоби, но за многумина од нив тоа е станато суштина во нивните животи. Игрите заземаат најголем дел од нивното време, за сметка на нивните општествени контакти и дружење. Пријателите од виртуелниот ескадрон ги заменуваат нивните вистински пријатели. Тие заедно завршуваат обуки и редовно се среќаваат на собирите. Битен дел од нивниот живот се виртуелните непријатели, пилотите на авиони од другите земји. Јасек Блавут претставува играчи од неколку земји, од САД, Полска, Германија и од Русија. Тој ни овозможува поглед во нивните животи и се прашува зошто тие се толку заинтересирани за периодот од Втората светска војна. Паралелните снимки ги прикажуваат сите играчи кои учествуваат во виртуелната битка, отсликувајќи ги силните чувства што ги разгорува играта. Јасек Блавут е искусен режисер на документарци („Стаорец во круната“, „Кинематограф“) и директор на фотографија („Декалог“, „Деновите на чукнатиот“), член на Европската филмска академија. Неговите филмови се прикажувани на фестивалите во Сан Себастијан, Торонто, Будимпешта и во Манхајм.

времетраење: 70 мин