Веб-терапија: GAMES PEOPLE PLAY

Содржина

Фиона Валис е терапевт што има мало трпение за своите пациенти. Откако ѝ здосадува да ги слуша проблемите на луѓето цели 50 минути, таа осмислува нов третман, видеоразговор од три минути. А сепак, на крајот од сесиите, секогаш се работи за неа самата. Ако таа ви е терапевт, имате проблем. Добитничката на наградата „Еми, Лиза Кудроу е една од создавачите, сценарист и главна актерка во оваа урнебесна терапевтска комедија. Во оригиналната продукција како веб-епизоди, „Веб-терапија е серија во која се појавуваат еден куп ѕвезди, кои заедно со Кудроу ги импровизираат своите настапи со урнебесни резултати.
Во третата сезона, Фиона се помирува со новата ситуација во својот живот, а нејзиниот политички посрамен сопруг Кип, има избегано со својот машки менаџер на кампањи. Мајката на Фиона започнува конкурентски бизнис, наречен „Мрежна терапија, па го најмува асистентот на Фиона, Џером, за да го води бизнисот. Нејзиното романтично пријателство со медиумскиот могул Остин е на тенок мраз, сега, откако тој е татко на дете со суперсексуалната Џина. Таа е под истрага за финансиските малверзации во кампањата, а нејзиниот необјавен текст е адаптиран во бродвејски мјузикл, без нејзина согласност! Сето ова се случува додека им нуди „терапија на несреќните клиенти, кои заталкале во нејзината мрежа.