Содржина
„Слеп човек е како уста без раце. Старата непалска поговорка ја искажува суровата реалност на Манисара и Дурга, постар брачен пар што живее во непалските планини. Видот и на двајцата се намалувал во последните 15 години, поради што не можат да ги извршуваат ни најосновните задачи, ниту да ги видат саканите од нивното семејство. Иако се жртви на катаракта, што е одговорна за голем број случаи на слепило кај сиромашните заедници низ светот, двојката сега има можност да си го вратат видот со операција (спонзорирана од меѓународната здравствена организација Фондација „Сева) што чини само неколку долари и трае неколку минути.
Снимен во текот на три дена, „Отвори ги очите ги следи Манисара и Дурга на нивното неверојатно и мачно патување за да можат повторно да прогледаат, носени и водени низ тесни планински патеки директно на хируршката маса во една локана болница, соочувајќи се со непознатото со храброст, достоинство и надеж. Филмот се одвива на неверојатните Хималаи и ги нагласува скапоценоста на видот и неверојатните технолошки достигнувања кои се создадени за да го враќаат видот во сиромашните заедници низ целиот свет.