Libri i xhunglës

PëRMBLEDHJE

Njëzet e shtatë vjet pas kthimit të librit të Rudjard Kiplingut në një film muzikor të animuar e të suksesshëm, Disney iu kthye të njëjtit material për këtë aventurë të gjallë e cila i përmbahet shumë materialit origjinal. Mouli është djali pesë vjeçar i një drejtuesi xhungle i cili shoqëron të atin në një ekspeditë gjuetie në xhunglat e Indisë. Mouli bëhet mik i ngushtë me një vajzë angleze që quhet Kiti, prindërit e së cilës autorizuan gjuetinë. Por kur një tigër sulmon kampin e tyre dhe vret babanë e Moulit, djaloshi bëhet konfuz dhe mbetet i vetëm. Mouli bëhet shok me kafshët e xhunglës, ariu Balu, pantera Baghera dhe ujku Vëllai Gri. Ata zhvillojnë një mënyrë komunikimi pa fjalë ndërkohë që djali që po rritej mëson të jetojë në xhungël. Vite më vonë, pasi është rritur, Mouli e takon edhe njëherë Kitin, e cila po vizion Indinë me të atin, kolonelin Braidon, një oficer britanik dhe të fejuarin e saj kapitenin Uilliam Bun. Kiti dhe Mouli e njohin njëri-tjetrin dhe ndërkohë që aftësitë e tij të të folurit lënë për të dëshiruar, me ndihmën e dr.Plamfordit, Kiti dhe babai i saj e kthejnë Moulin në civilizim. Megjithatë, pasi ka kaluar shumicën e jetës së tij në xhungël, Mouli nuk ndjehet si në shtëpi mes njerëzve të tjerë. Dhe ndërkohë që ai e do shumë Kitin, ai ia lë atë rivalit të tij. Megjithatë Buni dhe disa nga njerëzit e tij e rrëmbejnë Moulin pasi mësojnë se ai ka zbuluar një thesar të madh në xhungël. Ata përpiqen ta detyrojnë të tregojë sekretet e saj ndërkohë që përpiqen tu shmangen rreziqeve të xhunglës të cilat Mouli i kupton, por Buni dhe njerëzit e tij jo.