сезона: 1
Содржина
Кратка серија во осум дела во која се истражуваат мрачните агли на правосудниот систем во Њујорк, каде еден млад Американец со пакистанско потекло се соочува со доказите дека убил една млада девојка.
Во „По една ноќ“ се дава еден современ поглед на криминалот, на презумпцијата на невиност и на урбаниот затворски систем, прикажувајќи го заплетот во еден сложен случај со убиство во Њујорк, со приказ на културните и политичките влијанија. Серијата „По една ноќ“ се одвива во текот на осум мачни часа, прикажувајќи им на гледачите еден нов приказ на криминалистичкиот драмски жанр преку еден случај на убиство и разните гледни точки во него. Во серијата игра Џон Туртуро во улога на адвокатот на одбраната, како и Риз Ахмед во улога на неговиот млад клиент, Американец со пакистанско потекло. Приказната се фокусира на бруталното убиство на една млада жена од Менхетен и се прикажани првичната полициска истрага, апсењето, притворањето на главниот осомничен, симпатичен, обичен студент, кој заедно со неговото семејство е втурнат во амбисот на кривичниот правен и казнен систем на Њујорк. Во меѓувреме, неговиот адвокат, кој има среќа да работи на најголемиот случај во својот живот, се вплеткува во мрежа на сложени правни маневри од страна на детективите и противничките адвокати кои ја поткопуваат неговата способност да го води случајот. Според сценариото на Стивен Зајлијан (добитник на „Оскар“ за „Шиндлеровата листа“) и на Ричард Прајс („Жица“, номиниран за „Оскар“ за адаптираното сценарио на „Бојата на парите“), „По една ноќ“ ни ги прикажува правосудниот систем на Њујорк и чистилиштето во Рикерс Ајленд каде што обвинетите го чекаат судењето за кривичните дела.