Kino Kosova, festivali që përmes filmit krijon përvoja transformuese

Festivali Kino është zhvilluar për herë të tretë këtë vit në Bernë. Tash më mund të themi se Kino Kosova krijon hapësira për filmat aktualë nga Kosova dhe diaspora, por jo vetëm.
Filmat e përzgjedhur me metrazh të shkurtër, dokumentarë dhe filma artistikë tregojnë një larmi këndvështrimesh nga Kosova. Festivali pesëditor thekson historitë, sfidat dhe shpresat e një larmie të gjerë njerëzish dhe u bë një platformë për shkëmbim. Ky festival ishte një mundësi për të takuar kineastë, autorë, muzikantë dhe dashamirës të filmit. Bisedat e moderuara pas filmave dhanë një pasqyrë të thellë mbi temat e trajtuara gjatë festivalit.
Pyetjet sociale dhe debatet publike që u shfaqen pes ditë rresht i dhanë një ton të veçantë festivalit. Transformimet ekonomike dhe sociale të krijuara nga paslufta arritën të reflektojnë mbi gjendjen e qytetarit të thjeshtë. Filmat, letërsia, shfaqjet, muzika sollën me sukses këto tema aktuale dhe kontribuan ndjeshëm në pasurimin e bisedave./albinfo.ch/ KultPlus.com
The post Kino Kosova, festivali që përmes filmit krijon përvoja transformuese appeared first on KultPlus.