LAJME Faqja 1807

Tre filma, pasuri kombëtare e SHBA

• e shtunë, 15 dhjetor 2018 3:28 e pasdites

“Jurassic Park”, “Shining” dhe “Brokeback Mountain” janë bërë pjesë e trashëgimisë kombëtare amerikane. Tre filmat, respektivisht me regji të  Steven Spielberg, Stanley Kubrick dhe Ang Lee u përzgjodhën nga bordi kombëtar i ruajtjes së filmit. Tre filmat janë pjesë e 25 të zgjedhurve për ndikimin dhe domethënien kulturore, historike dhe estetike që kanë në trashëgiminë kombëtare kinematografike amerikane. Tradita e përzgjedhjes së filmave për të hyrë në regjistrin kombëtar ka nisur në 1989 për tu ruajtur më pas në Bibliotekën e Kongresit. Për t’u bërë pjesë e kësaj trashëgime filmat duhet të kenë të paktën 10 vite. Tv Klan

Filmi më i ndjekur

• e premte, 14 dhjetor 2018 11:59 e pasdites

“Ralph Breaks the Internet” është filmi më i ndjekur sipas Box Office, pasi vetëm këtë fundjavë ka arritur të arkëtojë 16.2 milionë Dollarë, duke arritur në një shifër totale prej 140 milionë Dollarë që prej premierës së shfaqur në ditën e falenderimeve. Produksioni i Disney tregon aventurën e Ralfit, i cili, i bindur nga mikja e tij Vanellope, vendos të eksplorojë botën e internetit. Dy miqtë zbulojnë shpejt këtë botë të thjeshtë dhe njëkohësisht të ndërlikuar, duke rënë pre e joshjes virtuale, por njëkohësisht duke shkaktuar trazira të mëdha. Thuajse si në çdo film hollivudian, regjisori Rich Moore ka zgjedhur ‘happy ending’, ku protagonistët dalin nga telashet dhe nisin të përdorin internetin në mënyrën e duhur. Tv Klan

Të ëndërrosh me Pirelli-n

• e premte, 14 dhjetor 2018 10:10 e pasdites

I është dedikuar ëndrrës Kalendari Pirelli 2019. Me protagoniste katër femra ikonë, Gigi Hadid, Laetitia Casta, Misty Copeland e Julia Garner, Albert Watson nuk është ndalur vetëm tek bukuria trupore, por sjell jetë dhe histori nëpërmjet saj. Një rrëfim mes ëndrrës dhe realitetit, ku në çdo personazh ka pak nga jeta reale e protagonistëve. Gigi është një pasanike nga Manhatan që lufton me vetminë. Misty një balerinë në kërkim të suksesit, Laetitia piktore që jeton në garzionerë, kurse Julia një fotografe e re. Të realizuara në vende të ndryshme, mes Miamit dhe New York-ut, fotot janë gjithsej 40, me ngjyra dhe bardh e zi. Pjesë e tyre janë edhe tre meshkuj, Alexander Wang, Calvin Royal III e Sergei Polunin. Tv […]

Shqiptarja, pretendente për kurorën e Miss Universe 2018

• e premte, 14 dhjetor 2018 8:44 e pasdites

Miss Universe, këtë vit zhvillohet më 16 Dhjetor, në Bangkok të Tajlandës. Shqipëria përfaqësohet nga bukuroshja Trejsi Sejdini, e cila është një nga pretendentet kryesore për të fituar kurorën. Prej javësh Trejsi është një nga të preferuarat e publikut, duke kryesuar klasifikimet. Në paraqitjet e deritanishme në veshjet e saj nuk mungojnë edhe simbolet kombëtare. Bukuroshja 18-vjeçare ka marrë vlerësime pozitive nga mediat e huaja. Ky konkurs bukurie këtë vit do të jetë ndryshe nga të tjerët, pasi për herë të parë në histori do të ketë një juri vetëm me femra, biznesmene, sipërmarrëse, modele etj. Vendimi për të patur një juri pa prezencën e asnjë burri është pjesë e lëvizjes #MeToo, kundër ngacmimeve dhe abuzimeve seksuale. Klan Plus

“Jam një grua dhe nënë si gjithë të tjera”

• e enjte, 13 dhjetor 2018 7:02 e pasdites

Jemi mësuar ta shohim Monica Bellucci-n në rolin e gruas joshëse, por kësaj herë do të vijë krejt ndryshe. Diva italiane do të interpretojë në një film horror. Gjatë një interviste në Festivalin Ndërkombëtar të Filmit në Marrakech, ikona e “bukurisë së përjetshme” tha se ka përfunduar xhirimet e filmit horror, të titulluar “Necromancer”. Gjithashtu aktorja tha se është e angazhuar edhe në disa projekte të tjera që kanë të bëjnë me filma të tjerë, kryesisht historikë. Edhe pse për të gjithë emri Monica Bellucci personifikon bukurinë dhe shembullin e një gruaje të arrirë, ajo nuk ndihet aspak e tillë. 54-vjeçarja tha se shumë persona e shohin si ikonë kopertinash reviste, filmash, por në realitet ajo është një grua dhe […]

Rikthehet Miley Cyrus

• e enjte, 13 dhjetor 2018 12:41 e pasdites

Pas një periudhe qetësie, Miley Cyrus rikthehet me një këngë të re, “Nothing Breaks Like a Heart”. E njohur për zhurmën dhe debatin që shkaton sa herë që shfaqet në publik, 26-vjeçarja nuk na ka surprizuar edhe kësaj radhe. Ajo ka publikuar një foto topless në llogarinë e saj në Twitter për të njoftuar daljen në treg të klipit të ri. Trasgresive, joshëse dhe me forma në dukje, Miley nuk heq dorë nga imazhi “badgirl” ose i vajzes së keqe, gjë të cilën e shfaq edhe në klip. Një bashkëpunim me Mark Ronson, kënga është pjesë e albumit të solistit ‘Late Night Feelings’. Tv Klan

Edhe Beyoncé këndon në dasma

• e martë, 11 dhjetor 2018 12:15 e paradites

Duke iu përshtatur kulturës vendase, me nje fustan tipik festiv, i kuq me të verdhë, zbukuruar me bizhutë tradicionale, Beyonce ka performuar në dasmën më ekstravagante dhe më të kushtueshme të Indisë. Isha Ambani, vajza e një prej personave më të pasur të Indisë dhe Anand Piramal, djali i një tjetër miliarderi indian, do të martohen të mërkurën, por festa ka nisur prej ditësh me pjesëmarrjen edhe të personaliteteve si Hillary Clinton. Nuk ka informacione sa është paguar këngëtarja për performancën, por adhuruesit e saj shprehen të pakënaqur, pasi do të donin ta kishin parë yllin e muzikës pop të performonte në një koncert në Indi, dhe jo në një dasëm. Tv Klan

“Çukur”, seriali më i mirë i vitit

• e hënë, 10 dhjetor 2018 7:25 e pasdites

Seriali i rekordeve në shikueshmëri “Çukur” është shpallur “seriali turk më i mirë i vitit” në ceremoninë e “Çmimeve Pantene Flutura e Artë”. Ishin producentët e serialit Kerem Çatay dhe Pelin Diştaş, ata të cilët tërhoqën çmimin prestigjioz në edicionin e 45-të të “Çmimeve Pantene Flutura e Artë”, mbajtur në Stamboll. Por çmimi i “serialit më të mirë” nuk ishte i vetmi që “Çukur” fitoi mbrëmjen e së dielës. Aktori Aras Bulut, i cili luan rolin e Jamaç, fitoi çmimin e “aktorit më të mirë”, ndërsa edhe muzika e “Çukur” krijuar nga Toygar Işikli fitoi çmimin e “muzikës më të mirë të serialeve”./tvklan.al

Miss-i i ri i Botës

• e diel, 9 dhjetor 2018 11:14 e pasdites

E bukur por edhe jo vetëm. Miss-i i ri i Botës është Vanessa Ponce de Leon, një aktiviste e njohur për të drejtat e njeriut. 26-vjeçarja me origjinë nga Meksika është e para e cila arriti të marrë këtë titull. “Nuk mund ta besoj, unë me të vërtetë nuk mund ta besoj që arrita të marrë një çmim kaq të madh. Faleminderit shumë, të gjithë.” Modele, e diplomuar në biznes ndërkombëtar, vullnetare për emigrantët dhe anëtare e një qendre rehabilitimi për vajzat e dhunuara, Vanessa është Miss-i i 68-të në historisë e Miss World.Bukuroshja la pas Miss-in tajlandez Nicolene Pichapa Limsnukan. Klan Plus

“Italianët” nga Erseka dhe Bubqi në Kënga Magjike (Video)

• e shtunë, 8 dhjetor 2018 10:26 e pasdites

Kjo mbrëmje finale e Kënga Magjike ka nisur plot emocion, plot çmime e duartrokitje pa fund. Por surprizat nuk kanë nisur ende… Këtë e paralajmërojnë në këtë video edhe dy humoristët Bes Kallaku dhe Erion Isai. Ashtu siç bëri të ditur më herët edhe vetë Ardit Gjebrea, Isai dhe Kallaku kujtojnë se gjatë kësaj mbrëmjeje finale sëbashku me Klaudia Pepën në skenë do të ngjiten balerinë të Canale 5, me një koreografi tepër të bukur. Sigurisht ky detaj nuk mund të kalonte ndryshe, përveçse me humor nga dyshja Kallaku e Isai./tvklan.al

Emri « 1 2 3 ... 1804 1805 1806 1807 1808 1809 1810 ... 1816 1817 1818 » Mbiemri

Lajmet

Hyr

Login Login AApple Login
Keni humbur fjalëkalimin
REGJISTRIMI

TvProfil përdor cookie për të siguruar eksperienën më të mirë të përdoruesit dhe funksionalitetin e faqes. Më shumë informacione rreth cookies mund të gjenden këtu: politikat e privatësisë.