LAJME Faqja 1804

Agjenti 007 ka probleme me alkoolin

• e diel, 16 dhjetor 2018 10:45 e pasdites

James Bond ka probleme me alkoolin. Ky është përfundimi që disa shkencëtarë të Universitetit të Otagos në Zelandën e Re kanë nxjerrë pas një studimi që kanë bërë aktorëve që luajnë agjentin 007. Ata kanë analizuar 24 filmat që nga viti 1962 dhe kanë arritur në konkluzionin se agjenti sekret britanik ka pirë 109 pije të ndryshme alkoolike, në të gjithë filmat e luajtur.  Në filmin “Quantum of Solace”, në vitin 2008,  Bond piu 6 gota Vesper Martini në më pak se dy orë film. Bazuar në këto të dhëna niveli i alkoolit do të ishte 0.36 për decilitër, një shifër që mund të rezultojë fatale. Në studimin thuhet se konsumimi i alkoolit e çon Bond të ndërmarrë aktivitete të […]

Modelja më e paguar e vitit

• e shtunë, 15 dhjetor 2018 11:40 e pasdites

Modelja më e paguar e vitit është Kendall Jenner. 23-vjeçarja për të dytin vit radhazi kryeson listën e revistës Forbes, duke arritur të sigurojë brenda një viti 22.5 milionë dollarë. Në vendin e dytë renditet Karlie Kloss, me rreth 13 milionë dollarë. Ndërsa vendi i tretë nuk ka një, por dy modele, të cilat kanë arritur të fitojnë 11.5 milionë dollarë. Bëhet fjalë për Chrissy Teigen dhe Rosie Huntington, të cilat edhe përse u bënë nëna, nuk hoqën dorë nga profesioni i modeles. Në vend të katër, me 10 milionë dollarë në vit renditet Gisele Bundchen, si dhe britanikja Cara Delevigne, me të njëjtat të ardhura. Përsa i përket motrave Hadid, ato fitojnë përkatësisht 9.5 milionë dollarë Gigi dhe 8.5 […]

Lèa Seydoux, 2 herë Bond Girl

• e shtunë, 15 dhjetor 2018 5:11 e pasdites

Do të jetë sërish Léa Seydoux që do të veshë petkun e Bond Girl në kapitullin e 25 të sagës dedikuar James Bond, i cili pritet të dalë në 2020. Aktorja franceze do të luajë sërish rolin e Madeleine Swann, e bija e zotit White, kundërshtarit të James Bond në “Casino Royale” e “Quantum of Solace”. Kjo është hera e parë në historinë 50-vjeçare të agjentit sekret që një personazh femëror në rolin Bond Girl rikthehet në rol. Seydoux interpretoi Madeleine Swann në “Spectre” në 2015, në krah të Daniel Craig, me regji të  Sam Mendes. Tv Klan

Tre filma, pasuri kombëtare e SHBA

• e shtunë, 15 dhjetor 2018 3:28 e pasdites

“Jurassic Park”, “Shining” dhe “Brokeback Mountain” janë bërë pjesë e trashëgimisë kombëtare amerikane. Tre filmat, respektivisht me regji të  Steven Spielberg, Stanley Kubrick dhe Ang Lee u përzgjodhën nga bordi kombëtar i ruajtjes së filmit. Tre filmat janë pjesë e 25 të zgjedhurve për ndikimin dhe domethënien kulturore, historike dhe estetike që kanë në trashëgiminë kombëtare kinematografike amerikane. Tradita e përzgjedhjes së filmave për të hyrë në regjistrin kombëtar ka nisur në 1989 për tu ruajtur më pas në Bibliotekën e Kongresit. Për t’u bërë pjesë e kësaj trashëgime filmat duhet të kenë të paktën 10 vite. Tv Klan

Filmi më i ndjekur

• e premte, 14 dhjetor 2018 11:59 e pasdites

“Ralph Breaks the Internet” është filmi më i ndjekur sipas Box Office, pasi vetëm këtë fundjavë ka arritur të arkëtojë 16.2 milionë Dollarë, duke arritur në një shifër totale prej 140 milionë Dollarë që prej premierës së shfaqur në ditën e falenderimeve. Produksioni i Disney tregon aventurën e Ralfit, i cili, i bindur nga mikja e tij Vanellope, vendos të eksplorojë botën e internetit. Dy miqtë zbulojnë shpejt këtë botë të thjeshtë dhe njëkohësisht të ndërlikuar, duke rënë pre e joshjes virtuale, por njëkohësisht duke shkaktuar trazira të mëdha. Thuajse si në çdo film hollivudian, regjisori Rich Moore ka zgjedhur ‘happy ending’, ku protagonistët dalin nga telashet dhe nisin të përdorin internetin në mënyrën e duhur. Tv Klan

Të ëndërrosh me Pirelli-n

• e premte, 14 dhjetor 2018 10:10 e pasdites

I është dedikuar ëndrrës Kalendari Pirelli 2019. Me protagoniste katër femra ikonë, Gigi Hadid, Laetitia Casta, Misty Copeland e Julia Garner, Albert Watson nuk është ndalur vetëm tek bukuria trupore, por sjell jetë dhe histori nëpërmjet saj. Një rrëfim mes ëndrrës dhe realitetit, ku në çdo personazh ka pak nga jeta reale e protagonistëve. Gigi është një pasanike nga Manhatan që lufton me vetminë. Misty një balerinë në kërkim të suksesit, Laetitia piktore që jeton në garzionerë, kurse Julia një fotografe e re. Të realizuara në vende të ndryshme, mes Miamit dhe New York-ut, fotot janë gjithsej 40, me ngjyra dhe bardh e zi. Pjesë e tyre janë edhe tre meshkuj, Alexander Wang, Calvin Royal III e Sergei Polunin. Tv […]

Shqiptarja, pretendente për kurorën e Miss Universe 2018

• e premte, 14 dhjetor 2018 8:44 e pasdites

Miss Universe, këtë vit zhvillohet më 16 Dhjetor, në Bangkok të Tajlandës. Shqipëria përfaqësohet nga bukuroshja Trejsi Sejdini, e cila është një nga pretendentet kryesore për të fituar kurorën. Prej javësh Trejsi është një nga të preferuarat e publikut, duke kryesuar klasifikimet. Në paraqitjet e deritanishme në veshjet e saj nuk mungojnë edhe simbolet kombëtare. Bukuroshja 18-vjeçare ka marrë vlerësime pozitive nga mediat e huaja. Ky konkurs bukurie këtë vit do të jetë ndryshe nga të tjerët, pasi për herë të parë në histori do të ketë një juri vetëm me femra, biznesmene, sipërmarrëse, modele etj. Vendimi për të patur një juri pa prezencën e asnjë burri është pjesë e lëvizjes #MeToo, kundër ngacmimeve dhe abuzimeve seksuale. Klan Plus

“Jam një grua dhe nënë si gjithë të tjera”

• e enjte, 13 dhjetor 2018 7:02 e pasdites

Jemi mësuar ta shohim Monica Bellucci-n në rolin e gruas joshëse, por kësaj herë do të vijë krejt ndryshe. Diva italiane do të interpretojë në një film horror. Gjatë një interviste në Festivalin Ndërkombëtar të Filmit në Marrakech, ikona e “bukurisë së përjetshme” tha se ka përfunduar xhirimet e filmit horror, të titulluar “Necromancer”. Gjithashtu aktorja tha se është e angazhuar edhe në disa projekte të tjera që kanë të bëjnë me filma të tjerë, kryesisht historikë. Edhe pse për të gjithë emri Monica Bellucci personifikon bukurinë dhe shembullin e një gruaje të arrirë, ajo nuk ndihet aspak e tillë. 54-vjeçarja tha se shumë persona e shohin si ikonë kopertinash reviste, filmash, por në realitet ajo është një grua dhe […]

Rikthehet Miley Cyrus

• e enjte, 13 dhjetor 2018 12:41 e pasdites

Pas një periudhe qetësie, Miley Cyrus rikthehet me një këngë të re, “Nothing Breaks Like a Heart”. E njohur për zhurmën dhe debatin që shkaton sa herë që shfaqet në publik, 26-vjeçarja nuk na ka surprizuar edhe kësaj radhe. Ajo ka publikuar një foto topless në llogarinë e saj në Twitter për të njoftuar daljen në treg të klipit të ri. Trasgresive, joshëse dhe me forma në dukje, Miley nuk heq dorë nga imazhi “badgirl” ose i vajzes së keqe, gjë të cilën e shfaq edhe në klip. Një bashkëpunim me Mark Ronson, kënga është pjesë e albumit të solistit ‘Late Night Feelings’. Tv Klan

Edhe Beyoncé këndon në dasma

• e martë, 11 dhjetor 2018 12:15 e paradites

Duke iu përshtatur kulturës vendase, me nje fustan tipik festiv, i kuq me të verdhë, zbukuruar me bizhutë tradicionale, Beyonce ka performuar në dasmën më ekstravagante dhe më të kushtueshme të Indisë. Isha Ambani, vajza e një prej personave më të pasur të Indisë dhe Anand Piramal, djali i një tjetër miliarderi indian, do të martohen të mërkurën, por festa ka nisur prej ditësh me pjesëmarrjen edhe të personaliteteve si Hillary Clinton. Nuk ka informacione sa është paguar këngëtarja për performancën, por adhuruesit e saj shprehen të pakënaqur, pasi do të donin ta kishin parë yllin e muzikës pop të performonte në një koncert në Indi, dhe jo në një dasëm. Tv Klan

Emri « 1 2 3 ... 1801 1802 1803 1804 1805 1806 1807 ... 1813 1814 1815 » Mbiemri

Lajmet

Hyr

Login Login AApple Login
Keni humbur fjalëkalimin
REGJISTRIMI

TvProfil përdor cookie për të siguruar eksperienën më të mirë të përdoruesit dhe funksionalitetin e faqes. Më shumë informacione rreth cookies mund të gjenden këtu: politikat e privatësisë.