PëRMBLEDHJE
Një kauboi i kthyer në model, papritur gjen dashurinë teksa përpiqet të rifitojë respektin për veten në këtë komedi romantike. Soni Stil (Robert Redford) është një ish yll rodeoje karriera e të cilit si kauboj ka mbaruar. Ai e fiton jetesën me punën si zëdhënës për "Ranch Breakfast", drithëra të veshur me sheqer për fëmijë. Por ai ka humbur respektin për veten në proces e sipër. Shefi i tij, moguli i korporatës Hant Sirsi (John Saxon), e konsideron atë si pronë dhe jo si qenie njerëzore. Soni ka probleme serioze me alkoolin. Kompania e drithërave të Sirsit po negocion për një shkrirje fitimprurëse me një firmë tjetër dhe e çon Sonin në Las Vegas për një reklamë. Aty Soni duhet të vishet me rroba kaubojsh plot ngjyra dhe me drita që vezullojnë. Ai do të kalërojë në sallën e Pallatit të Cezarit me hamshorin Rising Star që ka fituar çmime . Kur Soni zbulon se njerëzit e Sirsit e kanë droguar kalin në mënyrë që ai të ecë me këmbën e plagosur, ai tronditet. Ai e nxjerr kalin nga skena dhe e çon në shkretëtirën e Nevadës, në kërkim të kullotës ku ai dhe kali mund të shërojnë plagët e tyre. Sirsi tronditet kur zbulon se Soni është arratisur me kalin 12 milion dollarësh dhe kupton se Soni di mjaftueshëm që ta bëjë firmën e tij të duket keq në sytë e shtypit, madje mund të prishë edhe shkrirjen. Sirsi bën padi kundër Sonit dhe poston një shpërblim për kthimin e sigurt të Rising Star, megjithëse lë të kuptohet se sdo ti vinte keq nëse Soni vdes gjatë tentativës së shpëtimit. Helli Martin (Jane Fonda), një gazetare televizive që mbulon shfaqjen e Sonit në Vegas është e bindur se diçka nuk shkon dhe ia del ta arrijë atë në shkretëtirë. Ndërkohë që Helli përpiqet ta bëjë Sonin që ti tregojë historinë e tij, ish kauboji dhe reporterja nga qyteti dashurohen. Në film luan edhe Valeri Perrin dhe Uilli Nels