Montecarlo Gran Casino

PëRMBLEDHJE

Në kazinonë e Montekarlos vijnë disa italianë të dhënë pas bixhozit. Midis tyre është edhe Furio, një avokat i ri nga Roma, i cili fiton një shumë të madhe, por i humb të gjitha dhe e sheh veten jo vetëm në pamundësi për të paguar hotelin, por edhe i braktisur nga e reja që e shoqëronte. Furio bie në duart e një plake të pasur, e etur për dashuri, e cila i premton se do ti shlyejë të gjithë borxhet, nëse ai tregohet i gatshëm ta kënaqë. Por Furio, i cili ka fituar përsëri shumë para, e hedh në pishinë. Xhino dhe Lino janë dy vëllezër milanez, pronarë të një restoranti, dhe kanë ardhur në Montekarlo për të blerë një apartament. Pasi takon Silvian, një miliardere maniake e lojërave të fatit, Xhino humb të gjitha paratë që ka për apartamentin. Në fund është edhe Oskari, një profesionist kumari, i cili, pas disa përballjesh me Durokun, një koleg francez i shtresës së lartë, por shumë i keq, kënaqet më në fund kur e shikon të mundur nga Paolo, një inxhinier i rremë, i cili në të vërtetë është një kumarxhi shumë i zoti.