Содржина
Артур патува со принцезата на Минимоите, Селенија, и нејзиниот брат Бетамех во потрага по забранетиот град Некрополис, дом на злобниот волшебник Малтазар. Мора да се пробијат низ лепливи пајакови мрежи и следбениците на Малтазар.
Артур е пресреќен: денес е крај на десеттиот месечев циклус и конечно може да се врати во светот на Минимоите за да ја види принцезата Селенија. Во селото сѐ е подготвено за неговото доаѓање: се организира голема гозба во негова чест, а малата принцеза го облекува својот фустан од листови од ружин цвет. Баш тој долго очекуван ден татко му на Артур решава да си оди од кај баба му порано од планираното. Само што се подготвуваат да заминат, еден пајак пушта зрно ориз во раката на момчето, на која има изгравирано повик за помош. Нема сомнение: Селенија е во опасност, а Артур има само едно на ум: да летне и да ја спаси! Ќе ја спаси, дури и ако треба да користи друг премин, влетувајќи во барот на Макс, соочувајќи се со војската на Кроб, новиот тиран од Седумте кралства, го спасува Бетамех, се бори со стаорци, жаби и влакнести пајаци, а штом пристига во селото на Минимоите дознава дека не му бил испратен никаков повик за помош! Кој, тогаш, го прелажал нашиот млад јунак?
Слики
