Shuhet mjeshtri i humorit Fuat Boçi
Një nga aktorët më të dashur të humorit shqiptar në vite Fuat Boçi, është ndarë nga jeta në moshën 89 vjeçare në shtëpinë e tij në qytetin e Fierit.
Karierën e tij artsitike ai e nisi si themelues i Estrades së Fierit, me 1957. Ne vitin 1965, vijoi studimet ne liceun artistik “Jordan Misja”, pa shkëputje nga puna.
Gjatë jetës së tij artistike Fuat Boçi ka marre pjesë në rreth 160 premiera duke skalitur mbi 600 role. Por dy prej roleve më të spikatur janë ai i Belulit te monologu “A doni me për Belulin?”, dhe Lipe Shtogut të skeci, “Lipja prapa liste”. Për publikun ai mbetet mjaftë i dashur edhe në rolet e Zenelit te komedia “Pas vdekjes” e Çajupit, dajua te “Shi në plazh”, Sotiri tek komedia “Nje budalla e gjysëm” etj. Për karrierën e tij të gjatë e mbresëlënëse Fuat Boçi është nderuar me titujt “Qytetar Nderi i Fierit” dhe “Artist i merituar”.
