Princ Harry nuk pendohet!
Sot është dita e fundit kur
Harry dhe Meghan Markle do të heqin dorë përfundimisht nga titujt e tyre. Ishte
një vendim ky që u mor rreth një muaj më parë, me dëshirën e tyre për të bërë
një jetë private në Kanada, larg syrit mediatik. Në shenjë lamtumire ata kanë bërë
një postim në Instagram duke u shprehur se pavarësisht largimit, ata do të
vazhdojnë të merren me çështje bamirësie.
“Siç mund ta ndiejmë të gjithë, bota në këto momente
është jashtëzakonisht e brishtë. Megjithatë, ne kemi besim që çdo qenie
njerëzore ka potencialin dhe mundësinë për të bërë një ndryshim siç shihet tani
në botë, në shtëpi, në komunitet se së bashku mund ta ndihmojmë njëri-tjetrin.
Teksa të gjithë po përpiqemi të gjejmë rolin tonë për këtë ndryshim global, ne
po përqendrohemi edhe te ky kapitull i ri në jetën tonë për të kuptuar se si
mund të kontribuojmë më mirë. Edhe pse nuk do të na shihni këtu, puna jonë
vazhdon. Deri atëherë, kujdesuni për veten dhe për njëri-tjetrin”, shkruan çifti.
Ditën e sotme ata kanë kryer
disa nga detyrat e fundit mbretërore dhe zyrtarisht nuk janë më pjesë e
familjes. Që prej fillimi kur çifti lajmëroi se do të largohej, kjo gjë nuk u
prit aspak mirë nga Mbretëresha Elizabeth pasi ata nuk ishin konsultuar më parë
me të apo me anëtarë të tjerë. Gjithashtu edhe çifti tjetër mbretëror Kate
Middleton dhe Princi William u ndjenë të lënduar nga ky vendim duke e cilësuar
atë shumë të nxituar.
Por më pas Mbretëresha Elizabeth në takimin e fundit me Harry-n në fillim të këtij muaji, i ka treguar atij se do të jetë gjithmonë i mirëpritur në mbretëri në rast se ndonjë ditë do të ndryshojë mendje. Prej kohësh po qarkullon lajmi se dy vëllezërit nuk i kanë raportet shumë të mira me njëri-tjetrin që pas martesës së Princ Harry-t me Meghan Markle. Edhe më herët familja mbretërore ka qenë në faqet e para të mediave rozë kjo për shkak të ndryshimeve që solli amerikanja Meghan Markle duke mos i qëndruar strikte rregullave të mbretëreshës.
Klan Plus
The post Princ Harry nuk pendohet! appeared first on Tv Klan.
