NSYNC publikon këngën e parë në 20 vite

Kënga “Better Place” shërben edhe si kolonë zanore e filmit “Trolls Band Together”
Ashtu siç edhe u paralajmërua në MTW Video Music Awards grupi muzikor NSYNC është rikthyer me një projekt të ri muzikor.
“Better Place” është kënga e parë e re që 5 anëtarët e grupit të njohur muzikor kanë punuar së bashku që kur grupi amerikan i djemve publikoi albumin e tyre të fundit në studio “Celebrity” në 2001.
Kjo këngë shërben edhe si kolonë muzikore për filmin e animuar Trolls Band Together.
Këngëtari Timberlake i cili luan edhe personazhin “Branch” shpërndau më herët një video në rrjetet sociale ku shihej duke punuar në studio.
Këngët e Justin Timberlake dhe bandës së tij muzikore ishin nga më të dëgjuarat të kohës, me disa nga hitet e njohura si ‘Bye, Bye, Bye’, ‘I Want u Back’, ‘This I Promise U’.
Anëtarët e grupit muzikor u bënë bashkë dy javë më parë, ku i dhanë yllit të muzikës Taylor Swift një çmim në MTW Music Awards ndërsa vetë ata performuan për herë të fundit në këtë skenë në vitin 2013.
Klan News
The post NSYNC publikon këngën e parë në 20 vite appeared first on Tv Klan.