Meka, mbyllet pelegrinazhi i haxhit, autoritetet kanë sterilizuar edhe gurët

Besimtarët muslimanë kanë përmbyllur në Mekë Haxhin, i cili u zhvillua me një numër të kufizuar njerëzish. Pelegrinët kudo janë në shfaqur me maska për shkak të koroavirusit.
Haxhi, është një nga pesë shtyllat e Islamit dhe një domosdoshmëri për myslimanët një herë në jetë. Vetëm rreth 10,000 myslimanë kanë marrë pjesë në pelegrinazhin e këtij viti, në krahasim me më shumë se 2.5 milionë muslimanë të 180 shteteve të botës që kanë qenë zakonisht vitet e kaluara.
Në ditën e fundit, pelegrinët me maska kanë hedhur guralecë drejt murit që simbolizon djallin në Mina, afër qytetit të shenjtë Meka. Në vend që vetë pelegrinët që mbledhnin guralecët, autoritetet e Haxhit u kanë ofruar atyre gurë të sterilizuar. Rituali pesëditor është një prej pesë shtyllave të Islamit dhe këtë detyrë duhet ta kryejë një herë në jetë secili mysliman që ka aftësi fizike dhe mund ta përballojë udhëtimin.
Ministria për Haxh dhe Umrah e Arabisë Saudite ka thënë muajin e kaluar se vetëm “një numër i kufizuar i myslimanëve” që jetojnë në Arabinë Saudite, do të mund të jenë pjesë e organizimit. Vendimi për të mos lejuar pelegrinë nga vendet tjera, përveç atyre në Arabinë Saudite nga kryerja e Haxhit, është i pari në historinë moderne të mbretërisë saudite. Autoritetet shëndetësore kanë thënë se asnjë rast me koronavirus nuk është raportuar në vendet e shenjta përgjatë kësaj periudhe. Pas përfundimit të ritualit, pelegrinëve do t’iu kërkohet të hyjnë në karantinë të detyrueshme.