Britney Spears dhe Elton John do të sjellin së shpejti duetin e tyre

Kënga e titulluar  “Hold me closer” do të publikohet më 26 Gusht
Pas publikimit të albumit të saj të fundit “Glory ” në vitin 2016, këngëtarja e njohur Britney Spears, do t’i rikthehet sërish muzikës,  pas një pauze 6-vjeçare.
Sipas mediave të huaja, ylli i pop-it do të sjellë së shpejti këngën e saj më të re, e cila do të jetë një duet me kompozitorin anglez, Elton John
Vetëm disa javë më parë , 40-vjeçarja dhe kompozitori  u takuan fshehurazi në një studio regjistrimi, në Beverly Hills,  për t’i dhënë një pamje të re të këngës së tij “Tiny Dancer” të vitit 1971.
Përmes një postimi në rrjetet sociale, këngëtarja ka njoftuar fansat e saj se dueti i titulluar “Hold me closer” do të publikohet nga Universal Music, më 26 Gusht.
Kënga “Tiny Dancer” është shkruar nga 75-vjeçari Elton John, i cili arriti një sukses të jashtëzakonshëm,  duke u renditur në vendin e 47 në 500 këngët më të mëdha të të gjitha kohërave të ‘Rolling Stone’,  në 2021.
Klan News
The post Britney Spears dhe Elton John do të sjellin së shpejti duetin e tyre appeared first on Tv Klan.