Beyonce, hapje madhështore në Oscars 2022
Performon “Be Alive”, Billie Eilish vlerësohet me “Kënga më e mirë”
Çmimet “Oscars” u hapën me një performancë të një prej yjeve më të mëdhenj në botë siç është Beyonce.
Beyonce dha një performancë të fuqishme të “Be Alive” e nominuar për Oscar të fimit “King Richard”, të cilin ajo e shkroi bashkë me Dixson. Vajza e këngëtares, 10-vjeçarja Blue Ivy, gjithashtu u pa me nënën e saj, duke mbajtur syze dielli dhe e gjunjëzuar përpara dhe në qendër përballë Beyonce-s për një pjesë të performancës.
Vetë Beyonce ishte e veshur me një fustan jeshil neon me pantallona të shkurtra dhe taka të ngjashme. Performanca e këngëtares ishte e para nga katër performancat në ceremoninë e “Oscars”, Billie Eilish gjithashtu performoi këngën e saj nga filmi i James Bond “No Time to Die”, Reba McEntire performoi “Somehow You Do” nga Four Good Days dhe Sebastian Yatra këndoi “Dos Oruguitas” nga “Encanto”. Eilish më vonë mori Oscar-in për këngën më të mirë origjinale me vëllain e saj, kompozitorin Finneas O’Connell.
Klan News
The post Beyonce, hapje madhështore në Oscars 2022 appeared first on Tv Klan.