Arrestohet në aeroportin e Amsterdamit reperja Nicki Minaj

Reperja amerikane Nicki Minaj është arrestuar këtë të shtunë në aeroportin e Schiphol të Amsterdamit në Holandë. Lajmi bëhet i ditur nga mediat lokale.
Ndërkohë BBC shkruan se Minaj e filmoi një pjesë të përballjes së saj me policinë dhe e postoi në rrjetet sociale. Në video një oficer policie mund të dëgjohet që i thotë Minajt: “Jeni nën arrest”.  
Policia holandeze tha se një 41-vjeçare amerikane ishte arrestuar nën dyshimet se posedonte droga të lehta, por nuk e bëri publik identitetin e saj.
Artistja po përgatitej për të udhëtuar drejt Manchester-it për një koncert që ishte planifikuar të mbahej mbrëmjen e kësaj të shtune./tvklan.al
The post Arrestohet në aeroportin e Amsterdamit reperja Nicki Minaj appeared first on Tv Klan.