Атанасова Арсова: Драмскиот аматерски фестивал ги преброди и транзицијата и пандемијата
Синоќа во Градскиот парк во Кочани беше отворено 59. издание на Драмскиот аматерски фестивал (ДАФ), а градот во наредните денови ќе пулсира заедно со фестивалот, со аплаузите, случувањата на сцената, музиката... Учествуваат 12 аматерски групи од кои три се од Србија. ДАФ преживеа еден политички систем што исчезна, успеа да ги преживее и тешките години на транзицијата, па и пандемијата, вели директорката на фестивалот, актерката Кристина Атанасова-Арсова во интервју за МКД.мк и нагласува дека тоа е едиствениот драмски аматерски фестивал во земјава oд таков формат.