Videoja virale ndihmoi disa gra të kuptonin se po takoheshin me të njëjtin burrë

Tik Tok është përmbytur me paralajmërime për një burrë të quajtur Caleb, pasi u zbulua se ai kishte takuar disa gra njëkohësisht.
Burri, i cili është mbiquajtur “West Elm Caleb”, sipas kompanisë së mobilieve ku ai punon, filloi të fitonte famë pasi shumë gra pretenduan se ai dilte në takime me to dhe pastaj e përfundonte marrëdhënien dhe ndalonte komunikimin me to pa dhënë ndonjë shpjegim.
Sipas The Independent, saga e “West Elm Caleb” filloi të martën e kaluar kur përdoruesja e Tik Tok-ut, Mimi Shou, e cila postoi një video në të cilën fliste se ishte ndarë nga burri i quajtur Caleb, i cili nuk i dha asaj ndonjë shpjegim se pse po ndaheshin. Ajo shpejt vuri re se disa gra në seksionin e komenteve e pyetën nëse po fliste për “West Elm Caleb”.
Mimi Shou në fakt ‘u hodh poshtë’ nga një burrë tjetër i quajtur Caleb. Megjithatë, ajo vendosi të shikonte “West Elm Caleb” për të parë nëse ai po dilte me shumë gra në të njëjtën kohë. Pasi zbuloi se disa gra kishin folur për përputhjen me Caleb në aplikacionin e takimeve Hinge përpara se ‘të hidheshin’ nga ai, ajo postoi një video duke paralajmëruar gratë që të qëndronin larg tij.
Ndërkohë, një tjetër përdoruese e TikTok, Kate Glavan, filloi të etiketohej në videon e Shou, përcjell Klankosova.tv
“Nuk do ta kisha ditur kurrë se djali që po shihja ishte West Elm Caleb pa TikTok”, tha Glavan. Ajo gjithashtu ndau një video në të cilën postoi mesazhe që kishte marrë nga gra të tjera duke e paralajmëruar për takimin që e priste.
Në videon e saj, ajo foli gjithashtu se si një grua tjetër, e quajtur Kelly, ishte me Caleb të shtunën në mëngjes, disa orë para se ai të dilte në një takim me Kate Glavan.
Burri me nofkën “West Elm Caleb” nuk i është përgjigjur polemikave deri më tani, pavarësisht se disa media iu drejtuan atij për një koment.
The post Videoja virale ndihmoi disa gra të kuptonin se po takoheshin me të njëjtin burrë appeared first on Klan Kosova.