LAJME Faqja 3

“Luna Park” përzgjidhet pjesë e Festivalit të Filmit Ndërkombëtar në Indi, GOA

• e diel, 17 nëntor 2024 6:00 e pasdites

Filmi “Luna Park” nga regjisori Florenc Papas është përzgjidhur të jetë pjesë e edicionit të 55-të të Festivalit të Filmit Ndërkombëtar në Indi, GOA, përcjell KultPlus.
Festivali do të mbahet nga data 20 deri më 28 nëntor të këtij viti.
“Luna Park” trajton peizazhin postkomunist të Shqipërisë, ku një nënë e vetmuar, Mira, dhe djali i saj adoleshent i trazuar, Toni, luftojnë me një shpërthim të dhunës civile që copëton kombin e tyre të Evropës Lindore.

Së shpejti premiera e filmit dokumentar “SENSEI: Driton Toni Kuka, Made in Kosova”

• e premte, 15 nëntor 2024 1:00 e pasdites

Më 26 nëntor do të shfaqet premiera e filmit dokumentar “SENSEI: Driton Toni Kuka, Made in Kosova” nga regjisori Vranin Gecaj, i cili pasqyron rrugëtimin e trajnerit të xhudos, Driton Kuka.
“Ky film dokumentar sjell për audiencën historinë e jashtëzakonshme të një legjende të sportit kosovar, e cila ka frymëzuar breza të tërë sportistësh dhe ka shkruar një kapitull të veçantë në historinë e xhudos dhe sportit në Kosovë”, thuhet në njoftim.

Kinematë e pavarura ngrihen për demokracinë, merr pjesë edhe DokuKino

• e mërkurë, 13 nëntor 2024 11:48 e pasdites

DokuFest njofton se më 17 nëntor 2024, Ditën Evropiane të Kinemasë Arthouse, 700 kinema dhe ambiente kulturore të filmit nga më shumë se 40 vende të botës do të bashkohen për të mbështetur demokracinë, diversitetin kulturor dhe dialogun përtej kufijve dhe kulturave.
Sipas njoftimit për të shënuar këtë ditë, DokuKino do të marrë pjesë duke ofruar një program special për vizitorët, përfshirë filmin “SOUNDTRACK TO A COUP D’ETAT”.

Filmi “Kthimi i ushtrisë së vdekur” shfaqet në format të digjitalizuar

• e diel, 10 nëntor 2024 12:29 e pasdites

Shfaqet për herë të parë në formë të digjitalizuar filmi “Kthimi i ushtrisë së vdekur”.
Drejtoria e Përgjithshme e Arkivave njofton se ky film, realizim i regjisorit Dhimitër Anagnosti në vitin 1979, mbi skenarin e romanit të Ismail Kadaresë “Gjenerali i ushtrisë së vdekur”, ekranizohet në kuadër të Vitit Mbarëkombëtar të 80-vjetorit të Çlirimit, si pjesë e repertorit të filmave të përzgjedhur për t’u shfaqur me këtë rast, në bashkëpunim me Arkivin Qendror Shtetëror të Filmit (AQSHF).

‘Emili’, filmi shqiptar që bashkon Luiza Xhuvanin dhe Arta Dobroshin, regjisorja: Shkruaj për gjëra që i ndiej e më tronditin

• e shtunë, 9 nëntor 2024 4:52 e pasdites

Dy gra që intepretohen nga Luiza Xhuvani dhe Arta Dobroshi vihen përballë zgjedhjes për të ardhmen ndërsa dhuna ka tronditur familjen e tyre. Filmi më i ri shqiptar në kinema, “Emili” trajton rolin e sfidat e gruas dhe nënës në shoqëri.
Në spital, në burg, në kufi. Kamera i ndjek personazhet në disa situata në filmin “Emili” të regjisores së re Ajola Daja, e cila ka pasur një qasje të veçantë në të gjithë kontributet ne kinema, rolin e gruas në shoqëri dhe sfidat.

“Kthimi i ushtrisë së vdekur”, së shpejti premiera e filmit të restauruar

• e premte, 8 nëntor 2024 1:30 e pasdites

Projekti i radhës i restaurimit sa i përket filmave të kinematografisë shqiptare të para viteve `90, është “Kthimi i ushtrisë së vdekur”. Filmi, me një kast emrash nga më të shquarit e artit shqiptar, mban firmën e të madhit Anagnosti dhe është prodhim i vitit 1989.
Arkivi Qendror Shtetëror i Filmit në bashkëpunimin me laboratorin Augustus Color vjen me këtë projekt në kuadër të 80-vjetorit të çlirimit të vendit, si një homazh për njeriun; për ata që luftuan, ata që vuajtën pasojat e luftës dhe për ata që ranë duke mbrojtur kauzat e atdheut.

“Emili” i Ajola Dajës, sot premiera në kinema “Millennium”

• e enjte, 7 nëntor 2024 12:30 e pasdites

Qendra Kombëtare e Kinematografisë njoftoi se sot është premiera e filmit artistik me metrazh të gjatë “Emili”, me regji të Ajola Dajës, një prodhim i mbështetur financiarisht nga Qendra Kombëtare e Kinematografisë.
“Emili” është filmi i parë i metrazhit të gjatë për Ajola Dajën si regjisore. Ai do të shfaqet sot në kinema Millennium në Tiranë.

“Pirates of the Caribbean” rikthehet me një kapitull të ri – pa Johnny Depp në rolin e Captain Jack Sparrow

• e mërkurë, 6 nëntor 2024 9:59 e pasdites

Një nga filmat më legjendarë të industrisë së kinemasë, “Pirates of the Caribbean”, është gati të rikthehet me një histori të freskët dhe personazhe të rinj. Xhirimet e projektit të ri pritet të fillojnë në fund të vitit 2025, duke zgjedhur përsëri peizazhet e Shën Vincent dhe Grenadine, vendet ikonike ku janë xhiruar dhe filmat […]

‘Lucia Nadin dhe shqiptarët e Venedikut’, dokumentari hedh dritë mbi karakterin evropian të Shqipërisë mesjetare

• e mërkurë, 6 nëntor 2024 9:00 e pasdites

 “Lucia Nadin dhe shqiptarët në Venedik” ishte dokumentari historik i Ilir Yzeirit, i cili pati premierën mbrëmjen e djeshme në kinema “Millennium”, në praninë e Kryeministrit Edi Rama.
Dokumentari i bazuar në hulumtimet e albanologes Luçia Nadin, nxjerr në pah të shkuarën evropiane të shqiptarëve duke vlerësuar rolin dhe qëndresën e tyre kundër pushtimit osman në mbrojtje tē trojeve dhe të krishtërimit evropian.

Emri « 1 2 3 4 5 ... 1403 1404 1405 » Mbiemri

Lajmet

Hyr

Login Login AApple Login
Keni humbur fjalëkalimin
REGJISTRIMI

TvProfil përdor cookie për të siguruar eksperienën më të mirë të përdoruesit dhe funksionalitetin e faqes. Më shumë informacione rreth cookies mund të gjenden këtu: politikat e privatësisë.