„1000 години - Сведок на Светлината“, посветен Бигорскиот манастир претставен пред дипломатската елита во Рим
На иницијатива на македонската амбасада во Ватикан, а под покровителство на директорот на Комисијата за односи со верските заедници и религиозни групи, Даријан Сотировски, документарецот за Бигорскиот манастир беше проектиран пред амбасадори и други дипломати од повеќе држави, акредитирани во Светата Столица. Целта на оваа проекција беше запознавање на дипломатскиот кор од повеќе држави во Ватикан со македонското културно и духовно богатство.