сезона: 1
Содржина
Серијата „Труст ја раскажува приказната за Џон Пол Гети Третиот, наследник на нафтениот бизнис на семејството Гети. Дејството се одвива во 1973 година, кога младиот Гети е киднапиран во Рим, а мафијашите што го киднапирале бараат повеќемилионски откуп. Сепак, кое богато семејство не би платило за да им се врати саканиот? „Труст го прикажува кошмарот на младиот маж во рацете на киднаперите кои не можат да сфатат зошто никој не го сака назад. Италијанската полиција мисли дека се работи за шега, па одбива да истражува. Таткото на Пол е во Лондон и е изгубен поради хероинската зависност, па одбива да се јави на телефон. Дедото на Пол, кој веројатно е најбогатиот човек на светот, си живее во огромна куќа во Англија, опкружен со пет љубовници и со милениче лав. Тој е зафатен. Само мајката на Пол преговара со очајните киднапери. Проблемот е што таа нема скршен денар.
Слики
