Isa Boletini krah firmëtarëve të Pavarësisë. Busti i patriotit dhuratë nga Mitrovica për Muzeun e Pavarësisë në Vlorë

Prej këtij fundshtatori në Muzeun Kombëtar të Pavarësisë në Vlore, krah busteve të dhjetë firmëtarëve dhe ministrave të qeverisë së parë të Ismail Qemalit do të qëndrojë dhe busti i patriotit Isa Boletini, përfaqësuesi i Mitrovicës në shpalljen e pavarësisë. Vepra është dhuratë e skulptorit Sabri Behramaj, edhe ky shqiptar nga Mitrovica.
Dhe Vlora di të jetë mirënjohëse. Për këtë gjest sa simbolik e kuptimplotë, bashkia e qytetit e ka nderuar skulptorin me titullin “Mirënjohje e Qytetit”, titull të cilin ia dorëzoi kreu i bashkisë Dritan Leli.