Ndërron jetë aktori dhe regjisori i madh boshnjak, Mustafa Nadareviq

Është ndarë sot nga jeta në moshën 77 vjeçare, aktori dhe regjisori i madh boshnjak, Mustafa Nadareviq.
Për vdekjen e Nadareviq bëri të ditur për klix, kolegu dhe shoku i tij i vjetër – aktori Emir Haxhihafizbegoviq, përcjellë Klan Kosova.
Nadareviq po luftonte me kancerin e mushkërive për muaj të tërë.
Aktori legjendar lindi në vitin 1943 në Banja Llukë. Hapat e parë të aktrimit i bëri në grupin teatror “Victor Car Emin”.
Ai u diplomua në Akademinë e Arteve Dramatike në Zagreb dhe filloi karrierën e tij teatrore në Teatrin e Rinisë në Zagreb.
Nadareviq do të mbahet mend për rolet e tij në filma, seri dhe shfaqje të tilla si ”Lypës dhe djem”, ”Nikola Tesla”, ”Vello e përzier”, ”Qyteti i pushtuar”, ”Vdekja e Tomë Bakran”,”Ciklopët”, ”Këmbanat e mbrëmjes”, ”Babai në një udhëtim pune”, ”Rrethi perfekt”, ”Udhëtimi i Halimes”.
Ai ka fituar çmime të shumta për regji, aktrim dhe punë në teatër.
Nadareviq luajti rreth 150 role teatrale, bëri më shumë se 60 filma, drama dhe seriale televizive. Ai bashkëpunoi me disa nga regjisorët më të mëdhenj të filmit jugosllav.
Vitet e fundit të karrierës së tij në aktrim ai i kushtoi rolit në serialin televiziv “I çmendur, i hutuar, normal”.
The post Ndërron jetë aktori dhe regjisori i madh boshnjak, Mustafa Nadareviq appeared first on Klan Kosova.