Лежерно отсуство

„Лежерно отсуство е драмска кратка серија врз основа на истоимениот популарен роман од Џ. К. Роулинг и е во копродукција на ХБО и Би-би-си. Дејството се одвива во Пагфорд, навидум идилично англиско село со поплочен плоштад и со древен манастир. Сепак, зад убавата фасада, лежи град во кој се води војна помеѓу богатите и сиромашните, тинејџерите и родителите, сопругите и сопрузите, учителите и учениците. Пагфорд не е тоа што изгледа на прв поглед.
Кога Бери Фербрадер неочекувано умира на 40-ина години, малиот град Пагфорд е во шок. Смртта на Фербрадер предизвикува криза во Градскиот совет и во личните животи на многумина, вклучително и на тинејџерот кому му има помогнато. А празното место на Бери во Советот наскоро ја предизвикува најголемата војна што ја видел градот. Кој ќе победи во изборите преполни со страст, со дволичност и со неочекувани откритија?