„Светот на Биби“ потпиша договор со британскиот дистрибутер „Видеоплагер“

„Светот на Биби“ почнува да ги освојува надворешните пазари. Од оваа недела и официјално, британскиот дистрибутер „Видеоплагер“ го стави македонскиот анимиран серијал во своето портфолио. „Видеоплагер“ го има ексклузивното право за дистрибуција на анимираната серија на европските и светски пазари. Листата на клиенти со кои соработува оваа британска компанија е голема, дел од нивните содржини се емитуваат на најголемите национални европски телевизии (РТЛ, БиБиСи, РАИ, СВТ, ЦБС...) како и на најпознатите стриминг платформи „Нетфликс“ и „Ејчбио“.