Ако верувате во задгробниот живот или вo некој друг вид на реинкарнација, оваа серија ќе ви донесе сосема нова перспектива и многу смеа поврзана со животот по смртта. Ако можеби не сте знаеле, а отсекогаш сте сакале да знаете, духовите немаат потреба да вршат нужда, односно да одат во тоалет, не можат да консумираат опојни средства, а ако некогаш сте биле во ситуација каде што дошло до прекин на струјата или се појавиле проблеми со електронските уреди, бидете сигурни дека духовите имаат вмешано прсти во тоа. И уште една важна информација, духовите можат да се допираат, но не можат да ги допрат живите личности. Ова е американска натприродна телевизиска серија за видовитиот Кевин Пакалиоглу (Тајлер Лаби) кој решава разни проблеми со духовите за да може на мир да се пресели во „вечните ловишта“. Во работата му помага најдобриот пријател и дилер на дрога Руфи (Брендон Т. Џексон).