Синопсис
„Назад во игра: Грег Луганис претставува интимен портрет на јавниот триумф и приватната борба на отворено хомосексуалниот спортист Грег Луганис.
Тоа е искрен документарец за четирикратниот олимписки шампион, кој го прикажува Грег Луганис во минатите три години, додека се бори за финансиска сигурност и се враќа во спортот во кој порано доминирал, но не доби топол пречек. Заканата од губење на неговата куќа во скорешната финансиска криза го присилува Луганис да размислува за своите избори, врски и за пропуштените можности во својата кариера.
Филмот го прикажува комплицираниот живот на еден спортист чија грациозност, убавина и храброст предизвикаа светска фасцинираност од скоковите во вода. Документарецот го прикажува подемот на Луганис од тешкиот живот што го имал додека растел до меѓународното признание како најдобар во историјата на скоковите во вода и од признанието дека е хомосексуалец со ХИВ до статусот на занемарена спортска икона. „Назад во игра: Грег Луганис е приказна за една американска легенда која повторно се појавува на светската сцена за да се бори против предрасудите, да ја промовира толеранцијата и да се врати во светот на скоковите во вода по долг период на отсуство за да им биде ментор на следните генерации.