Синопсис
Андре е престапник и поранешен затвореник кој им должи пари на сите во Париз, па дури и на шефот на подземјето кој му се заканува дека ќе го убие ако не врати огромен долг до полноќ. Откако американската амбасада и француската полиција одбиваат да му обезбедат заштита, очајниот Андре се обидува да скокне во Сена. Но, тој до себе гледа подеднакво разочарана убавица, која, иако скока заедно со него, успева да го спаси и со својот шарм и со ненадејно вратената верба во животот, да го одврати од самоубиството. Таа се претставува себеси како Ангела и го уверува дека заедно можат да го решат неговиот проблем. Двајцата започнуваат да се дружат и, додека мафијата му е зад петици, тој станува сѐ повеќе приврзан кон девојката...