Синопсис
Хауард В. Кемпбел е американски писател кој живее во Германија пред Втората светска војна и е регрутиран од страна на Владата на САД за една тајна задача. Неговата мисија е да ја преземе улогата на нацистички симпатизер. Бидејќи неговата вистинска цел ја знаат само неколкумина, Кемпбел станува проминентен говорник во полза на антиамериканската и антисемитската агенда на нацистите, што го прославува во Германија, а го прави злогласен во САД. Кошмарните настани што ги доживува продолжуваат и по војната, кога по низа години него ненадејно го препознаваат како злогласниот Хауард В. Кемпбел. Одеднаш тој е гонет од страна на разбеснетите преживеани од Холокаустот, власта на САД го бара како предавник, додека неонацистите и белите расисти, кои чувствуваат носталгија по „добрите стари времиња“, уште го почитуваат. На крајот, Кемпбел завршува во затвор во Израел и нему му се суди како на нацистички воен злосторник. Додека е затворен, тој се бори со сопствената несигурност дали всушност е херој, злосторник или и двете.
