На гости на третата планета

Синопсис

Еден од најуспешните примери на фантастичен ситком жанр е серија за тим научници од далечна планета, на експедиција на планетата земја („Третиот камен од сонцето“). За не ги препознаат, вонземјаните преземаат облик на „типични“ земјани.
Откако презема човечки облик, тимот вонземјани кој се нарекува семејство Соломон, почнува да развива човечки чувства и карактерни слабости во првата сезона на фантастичната ситком серија, „Третиот камен од сонцето“. И покрај тешкотиите во прилагодувањето на нивните нови тела (прва работа, повеќе не си ги вртат главите наназад за да си ги лижат грбовите!), семејството Соломон веднаш тргнува на работа во својата разузнавачка мисија на земјата, во име на водачот на нивната родна планета, семоќниот „Голема џиновска глава“. „Високиот Командант“ Дик Соломон (Џон Литгоу) успева да најде работа како професор на колеџот „Пендлтон“, каде развива чудна привлечност кон својата колешка, д-р Мери Олбрајт (Џејн Кертин), која нема поим дека Дик е вонземјанин. Научниот гениј на тимот, Томи Соломон (Џозеф Гордон-Левит), средовечен вонземјанин заробен во телото на земјанин-адолесцент, мора да мине низ своите први детски болести и исто така почнува да излегува со една тинејџерка по име Аугуст (Шеј Астар). Воениот офицер, Сели Соломон (Кристен Џонсон) –кој однадвор е девојка, а однатре е којзнае што – одеднаш развива привлечност кон мажи и бара совет од саркастичната секретарка на Дик, Нина (Симба Кали). А откачениот член на вонземскиот екипаж, Хери Соломон (Френч Стјуарт) развива желба за пиење и други слични грешни задоволства. Иако имаат наредба да ги убијат сите луѓе кои може да дознаат за нивните вистински идентитети, семејството Соломон дознава дека не може да го стори тоа: земјаните можеби се досадни, заостанати идиоти, но се одлично друштво! Првата сезона завршува напнато (прва од многуте), кога „чаушите“ на родната планета на семејството Соломон одлучуваат дека тие не успеваат со нивната мисија и бараат тие да се вратат дома – а Дик одеднаш развива поделена личност! Во првата сезона на емитување, „Третиот камен од сонцето“ беше номинирана за неколку награди Еми, а Џон Литгоу ја зеде наградата за „најдобар главен актер во комична серија“.