Како да не живееш

Синопсис

Ексцентрична комедија што ги прикажува авантурите на еден типично невротичен, сам млад маж со преактивна фантазија, кој се обидува и не успева да се снајде низ основите на животот.
Сте посакале ли некогаш животот да има копче за пауза со разни опции за што следно да сторите или кажете? Тоа се случува секојпат кога Дон се соочува со тежок избор, само што неговите опции општо се ужасни. Дон е амбициозен човек, човек во најдоброто доба од својот живот, човек кој успева да ги оплеска дури и наједноставните задачи. Секоја епизода прикажува неколку дена од неговиот живот, додека се соочува со повеќе различни предизвици или со обичните секојдневни случувања. Кога се соочува со каква било чудна ситуација, енергичната фантазија на Дон стапува на сцена, покажувајќи му ги сите работи кои не треба да ги прави или вели во таа одредена ситуација. Тоа е список кој публиката го гледа, список во кој секоја опција се чини полоша од претходната. Кога го запознаваме, Дон се обидува да се справи со дилемата како најдобро да си замине по едновечерна љубовна авантура, особено ако не се сеќавате на името на жената со која сте биле, како да не реагирате ако ве отпуштат, како да се справите со тагата кога ќе ви почине бабата. Плус тука е и радоста од откритието дека ви ја оставила својата куќа за која веднаш откривате дека е преполна со глупости и дека бабата имала огромни долгови. Тоа е тежок ден според стандардите на повеќето луѓе, но кога ќе ја додадете и способноста на Дон да ги кажува и прави погрешните работи, тоа станува ден кој оди од една катастрофа кон друга.