Се бара локација во Карпош за филмските студија на Џон Малкович

Откако летово американската филмска ѕвезда Џон Малкович најави дека планира да отвори филмски студија во Скопје и тука да снима холивудски филмови, во очекување на дозвола од македонската Влада, денеска министерот за транспорт и врски Благој Бочварски изјави дека денес или утре ќе ја информира Владата за добиената документација, како и за процедурите и можните локации за студијата. Проблем се урбанистичките планови, па се разгледува и можноста во Општина Карпош да се бара приватно земјиште.