1 vit nga ikja e Mimika Lucës, aktores së madhe të skenës shqiptare

1 vit më parë u nda nga jeta aktorja e madhe e skenës shqiptare, Mimika Luca.
E lindur në Gjirokastër, më 24 dhjetor të vitit 1937, Mimika interpretoi në skenën e Teatrit të Operas dhe Baletit, si balerinë nga viti 1951 – 1962, ku edhe spikati për talentin dhe për aftësitë e saj fizike.
Pas njohjes me bashkëshortin Ndrek Luca, Mimika iu përkushtua me dashuri artit dramatik ku dhe pati sukses në interpretimet e saj, me mbi 30 role në Teatrin Popullor.“Kujtimi i saj do jetojë gjatë në botën e kinematografisë shqiptare dhe zemrat e publikut artdashës”, shkroi ministri Blendi Gonxhja në një postim në rrjetet sociale, të cilin e shoqëroi me një kolazh nga filmografia e aktores.
Me hijeshinë që e karakterizonte, Mimika Luca ka interpretuar në shumë filma artistikë e teatër si: “Treni niset më shtatë pa pesë”, “Përrallë nga e kaluara”, “Rrethimi i vogël”, “Taulanti kërkon një motër”, “Në shtëpinë tonë”, “Shi në plazh”, etj.
Në vitin 1977 ajo u emërua pedagoge në Institutin e Lartë të Arteve, dega e Dramës./ atsh / KultPlus.com
The post 1 vit nga ikja e Mimika Lucës, aktores së madhe të skenës shqiptare appeared first on KultPlus.