Островът на Моро

Синопсис

Во ова продолжение на класичниот роман на Х. Г. Велс за еден брилијантен но налудничав научник, кој извршува генетски експерименти што спојуваат луѓе со животни и има застрашувачки резултати, д-р Моро го глуми добитникот на наградата „Оскар“, Марлон Брандо, кој овде игра заедно со Вал Килмер.
На еден далечен тропски остров д-р Моро се назначува за владетел над една менажерија од генетски мутанти кои се создаваат во неговата соба на ужасот каде што се извршуваат генетски експерименти. Производот на неговите обиди да создаде „почист“ човечки вид се луѓе-ѕверови, кои го обожаваат Моро како нивен бог и „татко“ и живеат според неговите закони што се спроведуваат преку радиоимпланти во нивните тела и кои можат да им предизвикаат болка и смрт. Среде овој надреален кошмар пристигнува преговарачот на ОН, Едвард Даглас (Дејвид Тевлис), единствениот преживеан од една авионска несреќа. Даглас е доведен на островот на Моро од страна на неговиот налудничав и издрогиран асистент Монтгомери (Вал Килмер) и на крајот станува затвореник. Ужаснат поради монструозните експерименти на докторот и уплашен за својот живот, Даглас бара помош од убавата ќерка на Моро, Аиса (Фаируза Балк), за да избега од островот, но неговите планови се осуетени од Монгомери и од неговите вооружени луѓе-ѕверови. На крајот, суштествата го откриваат постоењето на нивните електронски импланти и ги отстрануваат, создавајќи можност за вооружен бунт, но нивното постепено враќање кон животинското потекло прави бунтот да се претвори во анархија.