Синопсис
На снежен спореден пат во Нова Англија полицијата малтретира скитник, но тогаш невидлива сила го отфрла скитникот во воздух. Очигледно полицајците избрале погрешен човек за изживување. Одведен во притвор, осаменикот е идентификуван како Зак Конорс, човек со благослов - и проклетсво - па затоа станува особено интересен за навидум симпатичниот д-р Словак, кој е специјалист за состојби како таа на Зак. Така Зак завршува во институтот на д-р Словак каде што се наоѓаат и други луѓе со слични телекинетички способности. Но набргу се открика дека докторот има зли намери. Борејќи се да ги надвладее ефектите од лековите кои се користат за сузбивање на неговите моќи, Зак очајнички се обидува да ја пронајде својата пријателка, психокинетичарката Рејчел, за која стравува дека е затворена некаде на клиниката и измачувана со цел д-р Словак да може да ја узурпира нејзината моќ. За да ја спаси Рејчел и другите пријатели, Зак ќе биде принуден да ја ослободи својата моќ и да започне крвава битка на умови против д-р Словак и неговите телекинетички убијци.