Мето Јовановски: Не можеш да бидеш генијален или голем во мал простор

Фестивалите се важни, филмот е важен, како и сѐ друго во животот. На човекот за живот му треба храна, вода, чист воздух..., но потребна е и духовна храна. Уметноста генерално е  важна и потребна во едно општество и тука ги ставам и фестивалите како репрезент на се она што се случува во еден град или во една држава. Тие се мост на соработка, надополнување, дружење. Да не бидеме затворени, нема полошо да се биде затворен во еден простор. Не можеш да бидеш генијален или голем во мал простор, истакна Мето Јовановски, годинешниот лауреат на МФФ „Киненова“ на вчерашната панел дискусија која се одржа по проекцијата на  култниот филм „Тетовирање“ на Столе Попов.