Përmbyllet Festivali Ndërkombëtar i Teatrove

Për gjashtë netë, në mjedise nga më tërheqëset në Elbasan, dhjetë trupa teatrore nga Shqipëria, Kosova, Maqedonia e Veriut, Mali i Zi e Turqia i dhuruan publikut elbasanas shfaqje të mrekullueshme.
Për ideatorin dhe drejtuesin artistik të festivalit, regjisorin Adonis Filipi edhe ky edicion ishte një sukses, pasi shfaqjet tërhoqën vëmendjen e publikut dhe kritikës.
Ky festival pati sloganin “Gjurmë” e gjurmë lanë shfaqjet “Mbyllja e dashurive” e Teatrit Kombëtar, “Libraria e përjetësisë” e trupës së Ankarasë, Turqi, “Dialog me dje ” e Kosovës, “Jul Qezari” i Shekspirit me regji të Kico Londos, si dhe shfaqja “Zyrtarisht beqar”  e teatrit “Skampa” Elbasan.