Harta turistike e Divjakës pritet të shtohet me zbulime nga antikiteti i vonë

Në Çermë të Divjakës janë zbuluar kohët e funditgjurmë të periudhës së antikitetit të vonë që i përkasin shekullit të 4-ët ose të 6-të, pas krishtit. RTSH sjell për herë të parë ekskluzivisht pamje të marra përgjatë brigjeve të lumit Shkumbin. Janë struktura prej guri e tullash që qëndrojnë këtu të pastudiuara. Ato janë të punuara shumë mirë për të mos lejuar kalimin e lagështirës. Sipas arkeologëve nuk dihet saktë nëse i përkasin një ure, janë terma apo pjesë e Rrugës Egnatia. Arkeologu Niko Ferro thotë se nevojitet nisja e gërmimeve të thella, për të saktësuar konkretisht çfarë janë këto blloqe të mëdha, të cilat zënë një sipërfaqe mbi 500 metër katror.
Nga arkeologet dyshohet se edhe brenda lumit Shkumbin mund të ketë pjesë të kësaj strukture. Faktet tregojnë se ndryshimi i rrjedhës së lumit rreth fillimit të viteve ’60 të shekullit të kaluar, me  20 metra solli nxjerrjen e këtyre materialeve. Në këtë periudhë, pas rënies së nivelit të ujërave, duken fare qartë zonat ku ka qene ndërtuar kjo strukture. Pamjet e realizuar me dron nga RTSH, sipas arkeologut tregojnë qartë se dyshimet më të përafërta janë të një ure të vjetër të periudhës së antikitetit të vonë.
Drejtoria e Shërbimeve Arkeologjike në Tiranë është njoftuar disa javë më parë për këtë zonë dhe pritet që studimet të nisin së shpejti. Shpresohet që zona ti shtohet hartës turistike në Divjakë dhe Lushnje.