Çelet ekspozita “100-vjetori i lindjes së Marie Logorecit”

Fillesat e saj si këngëtare në Radio Tirana do të ishin një ogur i mbarë për karrierën artistike të më vonshme në Teatrin Popullor dhe ekranin e madh të Kinemasë. Bëhet fjalë për artisten e madhe, Marie Logoreci “Nder i Kombit”, e cila përkujtohet pa zhurmë në këtë ekspozitë të hapur tek Muzeu Kombëtar me rastin e 100-vjetorit të lindjes së saj.
Gama e roleve të interpretuara prej saj është e gjerë dhe e pasur në tipa e karaktere të afërt e të kundërt, por çdokush do ta identifikonte atë si “Lokja” për shkak të bujës që pati në filmin “Toka jonë”, por nuk mbeten pas edhe roli i saj tek “Cuca e Maleve” gjithashtu edhe rolet në teatër..
Për shkak të situatës së pandemisë dhe pamundësisë së të afërmve për të qenë të pranishëm në Shqipëri, përkujtimi i 100-vjetorit të lindjes së “Artistes së merituar” dhe “Nder i Kombit” nuk ishte ashtu siç do e meritonte figura e saj emblematike. Por për të gjithë dashamirësit e figurës së saj, ekspozita do të jetë jetë e hapur deri më datë 2 Tetor në Sallën “Unesco” pranë Muzeut Kombëtar.