Basha : “Ruajtja dhe restaurimi i Teatrit Kombëtar është dhuratë e paçmueshme për brezat”
Kryetari i Partisë Demokratike, Lulzim Basha ka përshëndetur vendimin e organizatës Europa Nostra dhe Instituti i Bankës së Investimeve Europiane për futjen e Teatri Kombëtar në Listën e shtatë monumenteve më të rrezikuara në Europë si monumente që duhen mbrojtur. “Teatri Kombëtar, shembull i arkitekturës moderne Italiane të viteve ’30-të, është një nga qendrat më të rëndësishme kulturore në vend, dhe po përballet me rrezikun e shembjes” është shprehur zoti Basha.
“Urime nga zemra dhe mirënjohje të pakufishme për Aleanca për Mbrojtjen e Teatrit – zyrtare dhe mijëra qytetarë që me qëndresën e tyre u përballën pa u sprapsur, me aferën e shembjes së Teatrit Kombëtar për të ndërtuar aty kullat e pastrimit të parave të drogës dhe korrupsionit” tha kreu i opozitës.
“Ruajtja dhe restaurimi i Teatrit Kombëtar është dhuratë e paçmueshme për brezat. Trashëgimia jonë kulturore është e pazëvendësueshme, dhe ne kemi detyrimin ta mbrojmë atë” tha kreu i PD.
“Faleminderit Europa Nostra, faleminderit Aleanca për Mbrojtjen e Teatrit dhe qytetarëve-engjëj mbrojtës të Teatrit Kombëtar. Falemnderit Mariya Gabriel!” shprehet Kryetari i Partisë Demokratike, Lulzim Basha.
